Discussion 03
Forum / foru
à votre avis / à u vosciu parè
Discussioni 03
Cette page vous présente l' état actuel de la discussion
( Nominativement toutes les interventions ainsi que les pièces jointes )
( Ùn sò ritrascritti qui chè l'intervenzioni chi participani à fà prugressà a discussioni.)
Essa Corsu ???
Sughjettu abburdatu da Cumpà nant'à u so situ "u mio ghurnalle".
Iè, a questioni mirita di essa posta. Pà contu mei, abbisugna edda à essa posta chi ùn basta à dì "sò Corsu" ("altuparlente"), fà veda calchi tatuasgiu, intuppà a bandera corsa o parlà corsu pà "essa Corsu" ancu si l' omu, natu in Corsica è allivatu da genitori Corsi, campa nant' à a tarra di i so anziani..Essa Corsu hè una questioni di "Mente corsa, o d' Anima corsa" cum'è dici l' amicu Cumpà è di manera di essa è di cumpurtamentu in a vita d' ogni ghjorni.
Qui sottu, in u testu prupostu, aghju sottulineatu parechji riflessioni chi mi
parini punti capitali.
Oghje, u mio discorsu porterà nant’à una questione à bastanza impurtante : cosa hè, esse corsu ?
A quistione pò parè strania, è a risposta ancu troppu evidente ; ma s’è vo fighjate bè, a risposta hè ancu più cumplicata ch’ella pò parè à u primu giru, quand’omu rializa ch’è tutti i Corsi ùn sì trovanu micca in Corsica è ch’è tutte e personne prisente in Corsica ùn sò micca tutte corse. Ùn devimu micca dinù scurdàcci di i Corsi d’aduzzione, i veri, micca quelli chì dicenu què per muntàssi a sega.
Iè, a quistione nant’à l’esse corsu bisogna una riflezzione sprufundita, micca in un scopu di righjittà à tutti quelli ch’ùn sò micca corsi, cume incù stu vergugnosu dibattu in Francia, anant’à l’identità naziunale francese, cunduttu da un traditore di i soii (Eric Besson), è chì face l’affare di a strema diritta francesa chì sì scatena cume mai.
Puru, senza identità, un populu ùn pò esiste, è per quessa, u populu corsu ùn esiste ch’è per a so identità, un inseme di cose chì face ch’ellu esiste è ch’ellu hè cio ch’ellu hè. D’altronde, ùn sì pò micca fà u paragone trà una nazione ricunisciuta è indipendenta chì vole dàssi un sintimu di superiorità nant’à « l’altri », è un altra, più chjuca, chì lotta sempre per un palmu di dignità è di rispettu. In fatti, invece d’identità, parleraghju piuttostu di Mente Corsa, o d’Anima Corsa, o ancu di « Corsican way of life ».
A questione a più impurtante nant’à u sughjettu di a mente corse, è a pongu senza ostracisimu, ne settarisimu, è sopra tuttu, senza razzisimu, hè di sapè cosa hè esse corsu. Quale hè chì sì pò sfinisce cume essendu corsu, è cosa sò e caratteristiche di l’esse corsu.
Per principià u dibattu, ripiglieraghju cio ch’ella hà dettu ufficialmente a Cunsulta Naziunale per sfinisce cio ch’ellu ci vole esse, o cio ch’ellu ci vole fà, per esse corsu, o almenu per pudè riceve a Carta Naziunale d’Identità. Cusì a Cunsulta Naziunale dice chì, hè corsu quellu chì hè natu in Corsica, è/o quellu chì hà i so dui parenti corsi, è/o quellu chì hè maritatu incù una Corsa (o u cuntrariu), è/o chì campa in Corsica dapoi almenu dece anni, di manera cuntinua, è chì face mostra di a so vulintà d’esse corsu.
À contu meiu, è cume l’aghju dighjà dettu centu volte quì o in altrò, s’o pensu ch’è sta definizione hè bella pratica è ùn mi discunvene, mi pare quantunque ch’ella firma imperfetta, ben’ch’è difficiulmente perfettibile d’un puntu di vistu praticu.
Per mè, hè corsu tutt’ognunu chì sì sente corsu à u più prufondu d’ellu, incù stu ligame indestruttibile incù sta terra chì hè a soia, à tal puntu ch’ellu seria incumplettu di dì ch’è a Corsica appartene di dirittu à i Corsi, s’ell’ùn hè micca dettu ch’è i Corsi appartenenu à a Corsica. À e surghjente di l’esse corsu, o di a mente corsa, sì trova u fattu chì ogni corsu, à u più prufondu di cio ch’ellu hè, deve rissente ch’ellu hè di sta terra di Corsica è ch’ellu li appartene quant’ella li appartene. Per parafrasà u famosu cantadore francese Renaud chì dice ch’ùn hè micca l’omu chì piglia u mare, ma u mare chì piglia l’omu, diceriu anc’eiu ch’esse corsu ùn hè solu affare di sangue o di titulu di prupietà. Certe, quellu chì hè natu di genitori corsi hà, nurmalamente, un pocu di più furtune d’esse corsu ch’è un altru, ma ùn hè solu què.
Hè un affare di mente, è micca necessariamente di sangue, chì si trovanu monda corsi di sangue ch’ùn tenenu micca in a so mente u più minimu principiu di sintimu corsu d’appartenanza à sta terra è di cuscenza cummuna. U cuntrariu esiste dinù chì esistenu dinù monda corsi d’aduzzione, ch’ùn anu nisun parentita, o poche micca incù u populu corsu, ma chì sì sentenu corsi à u più prufondu d’elli stessi, sintimu accumpagnatu di parechje altre cumponente di l’Anima Corsa.
Per parlà un pocu di mè, stu sintimu di doppia appartenenza hè esattamente cio ch’o rissentu in ogni lochi in Corsica, è ancu di più in i vechji paesi, in a machja o in a furesta. À u cuntrariu, ogni volta ch’o sò andatu in altrò, in Francia, per esempiu, m’hà fattu, da veru, l’effettu di truvàmmi in terra straniera cun a quale ùn aghju nisun ligame, è chì mi sentu cume un furesteru.
Esse corsu, ùn hè micca una manera di tenessi o una manera di vestessi, o ancu una manera di cunduce a so vittura. Esse corsu, si pò sfinisce prima cume tene in mente un anima corsa, ma dinù di li assucià cio ch’è no risentimu in a nostra mente per a nostra terra à atti in a vita di tutti ghjorni, micca necessariamente atti eroichi, chì d’altronde, ùn simu micca tutti eroi, ma ancu tutte ste piccule cose chì facenu ch’è no simu cio ch’è no simu.
Aghjusteraghju dinù ch’è ùn avemu micca à scusàcci d’esse corsi, d’esse cio ch’è no simu, cum’e no simu, ancu s’è, per u passatu è ancu in u prisente, ci hè statu u famosu è maladettu cumplessu di u culunisatu chì ci hà inganatu moltu.
U peghju firma sempre quelli corsi diventati canaglii, scrucconi, arrubatori, speculatori, sempre pronti à vende cio ch’ùn sì pò vende, o à trafficà. Per mè, sta ghjente quì, ancu puru s’ella hè prisente in Corsica dapoi dece o quindeci seculi, ùn pò esse cunsideratu cume corsa, chì ùn tene micca in mente st’anima corsa chì ci liga, noi corsi, à a nostra terra di manera indeffettibile fin’à a morte è aldilà. Ma forse mi sbagliu. In fatti, ùn sò. Ma una cosa hè sicura ; sò elli i nostri peghji nemichi, à contu meiu.
In cunclusione ?
In cunclusione, diceraghju chì per mè, esse corsu custituisce una vera realità, è ch’ùn sì pò micca esse mezu-corsu, ch’è, o si corsu, o ùn si micca corsu. Hè una cosa chì si trova in a mente, ma sempre difficiule à evaluisce da l’esternu.
Eccu cio chì hè, d’apress’à mè, l’esse corsu.
Ùn vecu micca cosa aghjustà dopu à què, ma per piacè, perseguitate u dibattu, chì, à dìlla francu, e vostre opinione è i vostri parè sò propii impurtanti è ghjuvevule per mè, chì mi face piacè di leghje cio ch’è a vostra mente vi dice.
Par Cumpà - Publié dans : Tradiziunale
Sicondu à me "essa Corsu" ùn hè solu una quistioni di puliticà, una quistioni di citadinità, di naziunalità ma moltu più una quistioni di "essa", di "s'être" Corse è micca di "naître" Corse è nemenu di "paître" corsu (com'è dici u pruverbiu.Ci voli à dà à i paroddi u so sennu è micca solu u so sentimenti, u so tonu, u so parè...
Quessa a quistioni esistenziali di l' "essa", di l' "essa cio chè no simu", "essa sè stessu" è particularmenti "essa corsi", oghjedi quant' è eri, oghje differamenti di eri, ognunu l' antru di i generazioni anteriori ma in u rispettu di a so sterpa è di i so valori è virtùi è ognunu l' antru di l' altrùi ma u so frateddu, hè, senza dubitu una quistioni chi duve fà nasce u dibattu è prubabilmenti u cuntrastu.
L' amicu Cumpa t' hà allora prupostu quedda a quistioni di l' "essa corsu" quant' è tema di discuzioni nant' à u so foru parsunali l' "Appuntamentu Corsu di a Tela" è mi pîace tantu di traspona qui sottu u so pinsamentu è apre nant' à stu foru di meiu una rifissioni cusi impurtanti.
Daraghju u mé paré prussimamenti ma ci aveti i vosci carti in manu. L' annunziu hè "a suprana à cori"..!
U Palatinu le Lun Mai 24, 2010 2:20 pm
In a mio qualità di sola personna cunnettata per u mumentu, vi prupongu di lampà un dibattu anant'à un puntu moltu impurtante di cio chì custituisce a Mente Corsa, o cum'ellu dice un amicu meiu
per macagnàmmi una cria, u "Corsican way of life" (à contu meiu, preferiscu quantunque "mente corsa").
A questione a più impurtante nant'à a quistione di a mente corse, è a pongu senza ostracisimu, ne settarisimu, è sopra tuttu, senza razzisimu, hè di sapè cosa hè esse corsu. Quale hè chì sì pò sfinisce cume essendu corsu, è cosa sò e caratteristiche di l'esse corsu.
Ùn hè micca per nunda ch'è, nant'à u mio foru persunnale, ci aghju creatu un sottu-foru dedicatu spezialmente à a Mente Corsa.
À contu meiu, è cume l'aghju dighjà dettu centu volte, s'o pensu ch'è a definizione data da a Cunsulta Naziunale per esse corsu (hè corsu quellu chì hè natu in Corsica, è quellu chì hà i so dui
parenti corsi, è quellu chì hè maritatu incù una Corsa (o u cuntrariu), o chì campa quì dapoi almenu dece anni è chì face mostra di a so vulintà d'esse corsu), pensu à contu meiu, chì tuttu què
ùn hè ch'è una manera umana di determinà certe cose.
Per mè, hè corsu tutt'ognunu chì sì sente corsu à u più prufondu d'ellu, incù s'appiccamente quasgi viscerale chì face ch'ùn hè micca solu a Corsica chì appartene à i Corsi, ma sopra tuttu
i Corsi chì appartenenu à a Corsica. Hè un affare di mente, è micca necessariamente di sangue, chì cunoscu ancu certi chì sò nati quì è chì anu i so genitori
chì sò dinù di quì, ma ch'ùn si sentenu manc'appena corsi. U cuntrariu esiste dinù.
In cunclusione ?
In cunclusione, diceraghju chì per mè, esse corsu custituisce una vera realità, è ch'ùn sì pò micca esse mezu-corsu, ch'è, o si corsu, o ùn si micca corsu. Hè una cosa chì si trova in a mente, ma
sempre difficiule à evaluisce da l'esternu.
Per parafrasà u famosu cantadore francese Renaud, è chì dice ch'ùn hè micca l'omu chì piglia u mare, ma u mare chì piglia l'omu, diceriu anc'eiu ch'esse corsu ùn hè
solu affare di sangue o di titulu di prupietà. Certe, quellu chì hè natu di genitori corsi hà, nurmalamente, un pocu di più furtune d'esse corsu ch'è un altru, ma ùn hè solu què.
Cume l'aghju podasse ghjà dettu, pensu ch'e a chjava di a mente corsa, di l'esse corsu, hè chì ogni corsu, à u più prufondu di cio ch'ellu hè, deve rissente ch'ellu hè di sta terra di Corsica è
ch'ellu li appartene quant'ella li appartene.
À contu meiu, hè esattamente cio ch'o rissentu quandu collu in Rugnetta (eccu ; hè palisatu), è ch'o fideghju u terrenu è a casuccia ; mi dicu : "Tuttu què, hè à tè,
ma micca solu ; ch'è ancu tù sì à què." È mi so resu contu ch'è stu parè, ùn l'aghju micca solu per i terreni famigliali, ma per n'importa chì locu in Corsica.
Ogni volta ch'o sò andatu in altrò, in Francia, per esempiu, m'hà fattu, da veru, l'effettu di truvàmmi in terra straniera cun a quale ùn aghju nisun ligame, è chì mi sentu cume un furesteru.
Eccu cio chì hè, d'apress'à mè, l'esse corsu.
Ùn vecu micca cosa aghjustà dopu à què, ma per piacè, perseguitate u dibattu, chì, à dìlla francu, e vostre opinione è i vostri parè sò propii impurtanti è ghjuvevule per mè, chì mi face piacè di
leghje cio ch'è a vostra mente vi dice.
Avali, tocca à voi...
Pour participer à cette discussion
ouvrir ci-dessous
Ouvrir l' espace de discussion
et
ajouter votre intervention
à la suite